Аталған нормативтік-құқықтық қабылдау қажеттігіне негіздеме Қазақстан Республикасының 2008 жылғы 4 желтоқсандағы Бюджеттік кодексінің 9 және 75-баптары, «Қазақстан Республикасындағы жергілікті өзін-өзі басқару туралы» Қазақстан Республикасының 2001 жылғы 23 қаңтардағы Заңының 6-бабы болып табылады.

Мәслихаттың осы шешімін қабылдаудың мақсаты – мемлекеттік органдардың және оларға ведомстволық бағыныстағы мекемелердің міндеттерін іске асыру, ауданның әлеуметтік-экономикалық дамуы бағдарламасының орындалуын қаржылық қамтамасыз ету.

Қарақоға ауылдық округі бюджетінің 2019-2021 жылдарға арналған кірістері Қазақстан Республикасы Салық кодексінің және басқа да нормативтік-құқықтық актілерінің қағидаларын ескере отырып, 2016-2017 жылдарға есептелген және төленген салық сомалары, 2018 жылғы бағалау ескерілген, орташа мерзімді кезеңге макроэкономикалық болжамды параметрлерлерге қарап, есептелген.

Қарақоға ауылдық округінің бюджетіне түсімдердің болжамды көлемі 2019 жылға – 18 192,4 мың теңге, 2020 жылға – 19 248 мың теңге, 2021 жылға – 19 331 мың теңге сомада айқындалған.

Аудандық бюджеттен 2019 жылға 8 715 мың теңге, 2020 жыл – 11 428 мың теңге, 2021 жыл – 11 237 мың теңге сомада субвенцияның түсімі жоспарлануда.

Қарақоға ауылдық округі бюджетінің жалпы көлемі 2019 жылға 20 220,6 мың теңгені, 2020 жылға 19 248 мың теңгені, 2021 жылға – 19 331 мың теңгені құрайды.

Нормативтік құқықтық акті жобасын қабылдау әлеуметтік-экономикалық және/немесе құқықтық кері салдарларын тигізбейді.

Шешімнің жобасы «Электрондық Үкімет» порталындағы ашық НҚА бөлімінде орналастырылған.

Экономика және қаржы
бөлімінің басшысы
А. Сыздықов